കുട്ടിയുടെ സംശയങ്ങൾ

 പൂമ്പാറ്റ പോലൊരു കുട്ടി ഇന്നലെ വന്നു. അവൾക്ക് അഞ്ച് വയസ്സ് തികഞ്ഞിരിക്കുമോ? അവളെയും എടുത്തു ഞാൻ പുറത്തെ കാഴ്ചകൾ കാണിച്ചു കൊടുത്തു…

അവൾ സംസാരം തുടങ്ങി

കുട്ടി : ഇവിടെ ഊഞ്ഞാൽ ഇല്ലേ?

ഞാൻ : ഇല്ല്യ ഇട്ടട്ടില്ല

കുട്ടി : അതെന്താ ഇടാത്തെ?

ഞാൻ : ഞാൻ നിനക്ക് വേറെ ഒരു കാഴ്ച കാണിച്ചു തരാം, ഈ ചെടി കണ്ടാ? ഇതാണ് ഓർക്കിഡ്..

കുട്ടി  : അപ്പൊ ഈ ചെടിയോ?

ഞാൻ : റോസ്

കുട്ടി : ഇതോ?

ഞാൻ : കള്ളി ചെടി

കുട്ടി : കിണർ എവിടെ?

ഞാൻ : പിന്നിലാ

കുട്ടി : ഈ കല്ല്  എന്താ ഇവിടെ?

ഞാൻ : ഇവിടെ പണി കഴിഞ്ഞപ്പോൾ ബാക്കി വന്ന് മാറ്റി വെച്ചതാണ്?

കുട്ടി : അത് ചോപ്പ് ആണല്ലോ.. ഇത് വെള്ളയാണല്ലോ?

ഞാൻ  : അതേ നിറം പോയതാ

കുട്ടി : അതെന്താ?

ഞാൻ : വെയിലും മഴയും കൊണ്ടിട്ടാ..

കുട്ടി : അപ്പൊ ഈ കല്ലിന്റെ  കളർ പോയില്ലലോ?

ഞാൻ : അത് പോയില്ല..

കുട്ടി : ഇതെന്താ പട്ട ഇവിടെ?

ഞാൻ : അത് മണ്ണിന്റെ മീതെ ഇട്ടതാ

കുട്ടി : താഴെ എന്താ?

ഞാൻ : ഒരു കുഴി ണ്ടായിരുന്നു

കുട്ടി : എന്താ മൂടീത്

ഞാൻ : അത് ഒരു പട്ടിയെ കുഴിച്ചിട്ടതാണ്

കുട്ടി : അതെന്താ?

ഞാൻ : പട്ടി ചത്തു പോയി

കുട്ടി : അപ്പൊ എന്തിന് കുഴിച്ചെടുന്നത്?

ഞാൻ : മണമെടുക്കാതിരിക്കാൻ

കുട്ടി : അതെന്താ മണമെടുക്കുന്നത്?

ഞാൻ : ചീഞ്ഞു പോയിട്ട്

കുട്ടി : ചീഞ്ഞാൽ മണമെടുക്കോ?

ഞാൻ : ഉവ്വ്‌

കുട്ടി : ഈ ലൈറ്റ് എന്താ കാത്താത്തത്?

ഞാൻ : സ്വിച്ച് ഇട്ടട്ടില്ല

കുട്ടി :അതെന്താ?

ഞാൻ : ഇപ്പോൾ പകൽ അല്ലേ, രാത്രി ഇടാം

കുട്ടി : നമ്മുക്ക് ഇപ്പോൾ  സ്വിച്ച് ഇടാം

ഇടാം?

അങ്ങനെ ഞങ്ങൾ  സ്വിച്ച് ഇട്ടു

കുട്ടി : എന്താ ആ ലൈറ്റ് കത്താത്തത്?

ഞാൻ : ഫ്യൂസ് ആയി

കുട്ടി : അതെന്താ ഫ്യൂസ് ആയത്?

ഞാൻ  : കുറേ കാലം ആയില്ലേ?

കുട്ടി : ഈ ലൈറ്റ് ഫ്യുസ് ആയില്ലേ?

ഞാൻ : ഇല്ല

കുട്ടി : ആ ലൈറ്റ് എന്താ കത്താത്തത്?

ഞാൻ : സ്വിച്ച് വേറെയാണ്

കുട്ടി : എവിടെയാണ് സ്വിച്ച്?

ഞാൻ : അകത്താണ്…

അപ്പോഴേക്കും കുട്ടിയുടെ അമ്മയും അച്ഛനും പുറത്ത് വന്ന് എന്നെ രക്ഷിച്ചു….